தஃப்ஸீர் சூரா நூர் பாகம் 52

தஃப்ஸீர்

சூரத்துந் நூர் பாகம் – 52

❤ வசனம் 31:

وَلَا يُبْدِيْنَ زِيْنَتَهُنَّ اِلَّا مَا ظَهَرَ مِنْهَا‌

வெளிப்படுத்த வேண்டாம் – وَلَا يُبْدِيْنَ

அவர்களுடைய அலங்காரத்தை – زِيْنَتَهُنَّ

தவிர – اِلَّا

சாதாரணமாக வெளியில் தெரிபவற்றை தவிர – مَا ظَهَرَ مِنْهَا‌

❖ சாதரணமாக வெளியில் தெரிவது கருத்துக்கள் :

{ ஒரு பெண் இஸ்லாமிய ஆடை அணிந்த பின்னும் அவளுக்கு உள்ள அழகு }

சில அறிஞர்கள் – முகத்தையும் மணிக்கட்டு வரையுள்ள கைகளையும் அது குறிக்கும்.

சில அறிஞர்கள் – அவசியம் பெண்கள் முகத்தை மூட வேண்டும்.

சில அறிஞர்கள் – முகத்தை மறைத்தே ஆக வேண்டும் என்று உறுதியாக வாதிடுகின்றனர். சிலர் கட்டாயம் மறைத்தாக வேண்டும் என்ற தேவையில்லை என்கின்றனர். ஆனால் மறைக்கக் கூடாது என்று பேசுகின்றார்கள் அது இஸ்லாமிய அறிஞர்களின் கருத்து அல்ல.

❖ பெண்கள் முகத்தை மறைத்தே ஆக வேண்டும் என்று குர்ஆனிலோ ஹதீஸிலோ நேரடியாக வரவில்லை. ஆகவே தான் இதில் கருத்துவேறுபாடுகள் நிலவுகின்றன.ஆகவே இது இஜ்திஹாதுடன் சம்பந்தப்பட்ட விஷயம்.

❖ பொதுவாக ஒரு பெண் முகத்தை திறப்பதனால் பித்னா உருவாக்கும் என்று இருந்தால் அவள் மறைப்பதே சிறந்ததாகும். மறைப்பதால் பித்னா உருவாகும் என்றிருந்தால் திறப்பதே சிறந்ததாகும்.

❖ ஆகவே முகத்தையும் மணிக்கட்டு வரையிலான கைகளையும் தவிர மற்ற அனைத்தும் மறைத்தே ஆக வேண்டியவை என்பதில் கருத்துவேறுபாடு இல்லை.