நேசம் இன்றி ஈமான் இல்லை பாகம் 1

ஸீரா பாகம் – 1

நேசம் இன்றி ஈமான் இல்லை

◈ அல்லாஹ்வின் மீதும் அல்லாஹ்வின் தூதர் மீதும் நேசம் வைப்பது ஈமானின் ஒரு பகுதியாகும்.

◈ ஸஹாபாக்கள் மார்க்கத்தை இந்த அளவிற்கு பின்பற்றினார்கள் என்றால் அவர்கள் அல்லாஹ்வின் மீதும் அல்லாஹ்வின் தூதரின் மீதும் கொண்டிருந்த நேசமே அதற்கு முக்கிய காரணமாக இருந்தது.

◈ அல்லாஹ்வையும் அல்லாஹ்வுடைய தூதரையும் நேசிக்காமல் அவர்களுடைய இஸ்லாமும் ஈமானும் முழுமையடையாது.

ஸூரத்துல் ஆதியாத்தி – 8:

وَاِنَّهٗ لِحُبِّ الْخَيْرِ لَشَدِيْدٌ ؕ‏

 இன்னும், நிச்சயமாக அவன் பொருளை நேசிப்பதில் அளவு கடந்தே இருக்கின்றான்.

ஸூரத்துல் ஃபஜ்ரி – 20 :

وَّتُحِبُّوْنَ الْمَالَ حُبًّا جَمًّا ؕ‏

இன்னும், பொருளை அளவு கடந்து பிரியத்துடன் நேசிக்கின்றீர்கள்.

ஸூரத்துல் கியாமா – 20 :

كَلَّا بَلْ تُحِبُّوْنَ الْعَاجِلَةَ ۙ‏

எனினும் (மனிதர்களே!) நிச்சயமாக நீங்கள் அவசரப்படுவதையே பிரியப்படுகிறீர்கள்.

உலக விஷயங்களை நேசிப்பதில் தவறில்லை. ஆனால் அல்லாஹ்வையும் அல்லாஹ்வுடைய தூதரையும் விட அதிகமாக உலக விஷயங்களை நேசிக்கக் கூடாது.