ஃபிக்ஹ் 

இரவு தொழுகை

பாகம் – 5

🛡 இப்னு அப்பாஸ் (ரலி) – ஒரு முறை நான் மைமூனா (ரலி) வீட்டில் தங்கியபோது-நபி (ஸல்) தூக்கத்திலிருந்து விழித்து கண்களை கசக்கி ஆல இம்ரான் சூராவில் கடைசி 10  வசனங்கள் ஓதி பிறகு உளூ செய்து தொழ ஆரம்பித்தார்கள்.-இரண்டிரண்டாக 12 ரகாஅத்துகள் தொழுது பிறகு 1 ரகாஅத் வித்ர் தொழுது பிறகு உறங்கினார்கள் பிறகு சுபுஹ் தொழுகையின் பாங்கு சொல்லப்பட்டபின் சுன்னத் தொழுதுவிட்டு சுபுஹ் தொழவைத்தார்கள் (புஹாரி, முஸ்லீம்)

🛡 அனஸ் (ரலி) – நபி (ஸல்) வை இரவில் நாங்கள் பார்க்கும்போது தொழக்கூடியவர்களாகவும் தூங்கக்கூடியவர்களாகவும் இருந்திருக்கிறார்கள் (புஹாரி, நஸயீ, அஹ்மத்)

ஃபிக்ஹ்

இரவு தொழுகை

பாகம் – 4

🛡 ஸூரத்துஸ் ஸஜ்தா 32:15, 16

(15) நம் வசனங்களின் மேல் நம்பிக்கை கொண்டோர் யாரென்றால் அவர்கள், அவற்றின் மூலம் நினைவூட்டப்பட்டால், அவர்கள் விழுந்து ஸுஜூது செய்தவர்களாய்த் தம் இறைவனைப் புகழ்ந்து, துதிப்பார்கள்; அவர்கள் பெருமை அடிக்கவும் மாட்டார்கள்.

(16)அவர்களுடைய விலாக்களைப் படுக்கைகளிலிருந்து (தூக்கத்தைத் துறந்து) உயர்த்தி அவர்கள் தங்களுடைய இறைவனை அச்சத்தோடும் நம்பிக்கை ஆர்வத்தோடும் பிரார்த்தனை செய்வார்கள்; மேலும் நாம் அவர்களுக்கு அளித்ததிலிருந்து (தானதர்மங்களில்) செலவும் செய்வார்கள்.

🛡 ஸூரத்துஜ்ஜுமர் 39:9

எவர் மறுமையை அஞ்சி தன் இறைவனுடைய ரஹ்மத்தை ஆதரவு வைத்து இராக்காலங்களில் ஸுஜூது செய்தவராகவும், நிலையில் நின்றவராகவும் வணங்குகிறாரோ அவர் (நிராகரிப்பவரைப் போல்) ஆவாரா? (நபியே!) நீர் கூறும்: “அறிந்தோரும், அறியாதோரும் சமமாவார்களா? நிச்சயமாக (இக் குர்ஆனைக் கொண்டு) நல்லுபதேசம் பெறுவோர் அறிவுடையவர்கள் தாம்.”  

🛡 அப்துல்லாஹ் இப்னு ஸலாம் (ரலி) – நபி (ஸல்) மதீனாவிற்கு வந்த போது நபி (ஸல்) வை பார்க்கச்சென்றவனாக இருந்தேன். அவர்களது முகத்தில் ஒரு பொய்யரை போல தோன்றவில்லை அவர்கள் உண்மையாளராக இருந்தார்கள். நபி (ஸல்) முதலாவதாக சொல்லி நான் கேட்டவார்த்தை – அதிகமாக ஸலாத்தை பரப்புங்கள் – ஏழை எளியவருக்கு உணவளியுங்கள் – உறவினர்களுடன் சேர்ந்து வாழுங்கள் – மக்கள் உறங்கும்போது இரவில் எழுந்து நீங்கள் தொழுங்கள்-சுவர்க்கத்தில் சந்தோஷமாக நுழையவீர்கள் 

ஃபிக்ஹ்

இரவு தொழுகை

பாகம் – 3

🛡 ஸூரத்துல் ஃபுர்ஃகான் 25:64

    وَالَّذِيْنَ يَبِيْتُوْنَ لِرَبِّهِمْ سُجَّدًا وَّقِيَامًا‏

இன்னும், அவர்கள் தங்கள் இறைவனை ஸஜ்தா செய்தவர்களாகவும், நின்றவர்களாகவும் வழிபாடு செய்து இரவிலிருப்பார்களே அவர்கள்.

ஃபிக்ஹ்

இரவு தொழுகை

பாகம் – 2

🛡 ஸூரத்துத் தாரியாத் 51:15, 16, 17, 18

اِنَّ الْمُتَّقِيْنَ فِىْ جَنّٰتٍ وَّعُيُوْنٍۙ‏

(15) நிச்சயமாக பயபக்தியுடையவர்கள், (சுவர்க்கத்தின்) சோலைகளிலும், நீரூற்றுகளிலும் இருப்பார்கள்.

 اٰخِذِيْنَ مَاۤ اٰتٰٮهُمْ رَبُّهُمْ‌ؕ اِنَّهُمْ كَانُوْا قَبْلَ ذٰلِكَ مُحْسِنِيْنَؕ‏

(16) அவர்கள் தங்களிறைவன் அவர்களுக்கு அளித்ததை (திருப்தியுடன்) பெற்றுக் கொள்வார்கள்; நிச்சயமாக அவர்கள் இதற்கு முன்னர் நன்மை செய்வோராகவே இருந்தனர்.

كَانُوْا قَلِيْلًا مِّنَ الَّيْلِ مَا يَهْجَعُوْنَ‏

(17) அவர்கள் இரவில் மிகவும் சொற்ப நேரமேயன்றித் தூங்கமாட்டார்கள்.

وَبِالْاَسْحَارِ هُمْ يَسْتَغْفِرُوْنَ‏

(18) அவர்கள் விடியற் காலங்களில் (பிரார்த்தனைகளின் போது இறைவனிடம்) மன்னிப்புக் கோரிக் கொண்டிருப்பார்கள்.

ஃபிக்ஹ்

இரவுத் தொழுகை

பாகம் – 1

🛡 குர்ஆனில் இரவுத்தொழுகை கியாமுல் லைல் மற்றும் தஹஜ்ஜத் என்ற பெயரில் வந்திருக்கிறது. 

🛡 தராவீஹ் என்ற வார்த்தை குர்ஆன் மற்றும் ஹதீஸில் இல்லையென்றாலும் பிற்கால இமாம்களால் சூட்டப்பட்ட பெயராகும்.

🛡 ஆகவே மேற்கூறப்பட்ட தொழுகைகள் அனைத்தும் ஒரே தொழுகை தான்.

ஃபிக்ஹ் 

வித்ரு தொழுகையின் முக்கியத்துவம் அதன் சட்டங்களும்

பாகம் – 9

❣ 3 ரக்காஅத் வித்ரில் சூராக்கள் 

நபி (ஸல்) முதல் ரக்காஅத்-இல் ஸப்பிஹிஸ்மா சூராவையும் இரண்டாவது ரக்காஅத்-இல் சூரா காஃபிரூன் 3வது ரக்காஅத்-இல் குல் ஹுவல்லாஹு அஹத் ஓதினார்கள் (நஸயீ)

ஆயிஷா (ரலி)- நோய் அல்லது வேறு காரணங்களால் நபி (ஸல்) அவர்களுக்கு இரவுத்தொழுகை தவறிப்போனால் பகல் வேளையில் 12 ரக்காஅத் தொழுவார்கள் (முஸ்லீம்)

ஃபிக்ஹ் 

வித்ரு தொழுகையின் முக்கியத்துவம் அதன் சட்டங்களும்

பாகம் – 8

ஆகவே வித்ரை 

3 ஆக தொழுதால் 

1 – ஒரே ஸலாமில் தொழலாம் 

2 – இரண்டு ரக்காஅத் தொழுது விட்டு ஸலாம் கொடுத்து ஒரு ரக்காஅத் தனியாக தொழலாம்.

5 ஆக தொழுதால் 

ஒரே நிய்யத்தில் 5 ரக்காஅத். 5 வது ரக்காஅத்-இல் மாத்திரம் அத்தஹிய்யாத்தில் இருத்தல் 

7 ஆக தொழுதால் 

ஒரே நிய்யத்தில் 7 ரக்காஅத். 7 வது ரக்காஅத்-இல் மாத்திரம் அத்தஹிய்யாத்தில் இருத்தல் 

9 ஆக தொழுதால் 

ஒரே நிய்யத்தில் தொழ வேண்டும் 8 வது ரக்காஅத்-இல் அத்தஹிய்யாத்தில் இருந்து பிறகு 9 வது ரக்காஅத்-இல் அத்தஹிய்யாத்தில் இருந்து ஸலாம் கொடுக்க வேண்டும் 

ஃபிக்ஹ் 

வித்ரு தொழுகையின் முக்கியத்துவம் அதன் சட்டங்களும்

பாகம் – 7

❣ 9 ரக்காஅத் ஆக தொழும்போது:

ஆயிஷா (ரலி) – நபி (ஸல்) 9 ரக்காஅத் வித்ரு தொழும்போது 8 வது ரக்காஅத்-இல் அத்தஹிய்யாத்தில் இருந்து பிறகு எழுந்து 9 வது ரக்காஅத்-ஐ தொழுது அத்தஹிய்யாத்தில் இருந்து பிறகு அல்லாஹ்வை புகழ்ந்து அல்லாஹ்விடம் துஆ செய்து  பிறகு எங்களுடைய காதுக்கு கேட்கும்படி ஸலாம் கொடுப்பார்கள் (முஸ்லீம்)

ஃபிக்ஹ் 

வித்ரு தொழுகையின் முக்கியத்துவம் அதன் சட்டங்களும்

பாகம் – 6

❣ 5 ரக்காஅத் ஆக தொழும்போது :

ஆயிஷா (ரலி) – நபி (ஸல்) இரவில் 13 ரக்காஅத் தொழுவார்கள்.இரண்டிரண்டாக ஸலாம் கொடுத்து மொத்தம் 8 ரக்காஅத் தொழுதுவிட்டு; பிறகு ஒரே நிய்யத்தில் 5 ரக்காஅத் தொழுது கடைசி ரக்காஅத்-இல் தான் அத்தஹிய்யாத் இருந்து ஸலாம் கொடுப்பார்கள்  – (முஸ்லீம்)

❣ 7 ரக்காஅத் ஆக தொழும்போது :

உம்முஸலாமா (ரலி) – நபி (ஸல்) – நபி (ஸல்) 5 ரக்காஅத் வித்ரு தொழுதிருக்கிறார்கள் 

7 ரக்காஅத்-ஐ கொண்டும் வித்ரு தொழுதிருக்கிறார்கள். அதில் ஸலாத்தை கொண்டோ பேச்சைக்கொண்டோ அந்த தொழுகையை பிரிக்க மாட்டார்கள். (அஹ்மத், நஸயீ – நஸாயீ யில் அல்பானீ இதை ஸஹீஹ் என்கிறார்,இமாம் நவவி இது நல்ல அறிவிப்பு என்கிறார்கள்)

ஃபிக்ஹ் 

வித்ரு தொழுகையின் முக்கியத்துவம் அதன் சட்டங்களும்

பாகம் – 5

வித்ரை எவ்வாறு தொழ  வேண்டும் 

❣ 3 ரக்காஅத் ஆக தொழும்போது

ஒற்றைப்படையில் ஒரே ஸலாமில் தொழலாம் 

ஆயிஷா (ரலி) – நபி (ஸல்) வித்ருடைய 2 ரக்காஅத்தில் ஸலாம் கொடுக்க மாட்டார்கள் 

❣ இன்னொரு அறிவிப்பில் 

நபி (ஸல்) – 3 ரக்காஅத் வித்ரு தொழுவார்கள் கடைசி ரக்காஅத்-இல் தான் அத்தஹிய்யாத்தில் அமர்வார்கள் (நஸாயீ, பைஹகீ)

❣ இரண்டிரண்டாக தொழுது ஸலாம் கொடுத்துவிட்டு பிறகு ஒரு ரக்காஅத் தொழலாம்: 

இப்னு உமர் (ரலி) – இரண்டிரண்டு ரக்காஅத்துகளாக தொழுது ஸலாம் கொடுப்பார்கள் பிறகு ஒரு ரக்காஅத் தொழுது ஸலாம் கொடுத்து விட்டு கூறினார்கள்; இப்படித்தான் நபி (ஸல்) செய்யக்கூடியவர்களாக இருந்தார்கள் (ஸஹீஹ் இப்னு ஹிப்பான்-ஃபதஹுல் பாரியில் இப்னு ஹஜர் (ரஹ்) இந்த ஹதீதின் அறிவிப்பாளர் வரிசை உறுதியானது என்று கூறுகிறார்கள்.