ஃபிக்ஹ்

தொழுகையின் ஃபர்ளுகள்

பாகம் – 8

 وكان يعتمد على كفيه ويبسطهما ويضم أصابعهما، ويوجهها قبل القبلة، 

🌼 நபி (ஸல்) அவர்கள் ஸுஜூது செய்யும்போது தனது இரண்டு உள்ளங்கைகளையும் விரித்து அழுத்தமாக ஊன்றி வைப்பார்கள், (அவர்கள் விரல்கள் இணைந்திருக்கும் உள்ளங்கை விரிந்திருக்கும்), அந்த விரல்கள் கிப்லாவை முன்னோக்கியதாக இருக்கும்.

(இப்னு ஹுஸைமா, அபூ தாவூத், பைஹகீ)

 كان يجعلهما حذو منكبيه

🌼 நபி (ஸல்) – தனது இரண்டு தோள்புஜத்திற்கு நேராக உள்ளங்கைகளை தரையில் வைப்பார்கள்.(ஸுனன் அபூ தாவூத்)

🌼 அல்லது காதுக்கு நேராக உள்ளங்கைகளை தரையில் வைப்பார்கள்.(அபூதாவூத், நஸயீ)

🌼 நபி (ஸல்) அவர்கள் சுஜூதில் தனது மூக்கையும் நெற்றியையும் அழுத்தமாக வைப்பார்கள்.(அபூதாவூத், திர்மிதி)

 إذا سجدت؛ فمكّن لسجودك

🌼 நபி (ஸல்) – நீங்கள் ஸஜ்தா செய்தால் சுஜூதிற்காக அழுத்துங்கள்.(அபூதாவூத்)

🌼 நபி (ஸல்)  -நீங்கள் ஸுஜூது செய்தால் உங்கள் முகத்தையும் இரண்டு கைகளையும் அழுத்தி வைத்து ஒவ்வொரு எலும்புகளும் அதன் இடத்தில இருக்கும் வரை அமைதியாக இருந்து கொள்ளுங்கள்  (இப்னு ஹுஸைமா)

🌼 நபி (ஸல்) – தனது இரண்டு முட்டுக்கால்களையும் கால் விரல்களையும் அழுத்தி வைப்பார்கள்(முஸன்னப் இப்னு அபீ ஷைபா, பைஹகீ) 

🌼 நபி (ஸல்) – சுஜூதில் தனது கால் பாதத்தையும் கால் விரல் நுனிகளையும் கிப்லாவை முன்னோக்கியதாக வைப்பார்கள்.(புஹாரி, அபீ தாவூத்)

🌼 நபி (ஸல்) – தனது இரண்டு குதிகால்களையும் இணைத்து வைப்பார்கள்  (இப்னு ஹுஸைமா,முஸ்தத்ரக் ஹாக்கிம்)

ஃபிக்ஹ்

தொழுகையின் ஃபர்ளுகள்

பாகம் – 6

ருகூஃவிலிருந்து  எழுந்து இஹ்திதாலுக்கு வருவது 

🌼அபாஹூனைன் (ரலி) – நபி (ஸல்)  அவர்கள் ருகூவிலிருந்து எழுந்தால் தனது முதுகு எலும்புகள் உரிய இடங்களுக்கு வரும் அளவிற்கு நிமிர்ந்து நிற்பார்கள்(புஹாரி,முஸ்லீம்)

🌼 ஆயிஷா (ரலி) – நபி (ஸல்) அவர்கள் ருகூவிலிருந்து எழுந்தால் நேராக வந்து நிற்கும் வரை சுஜூது செய்ய மாட்டார்கள் (முஸ்லீம்) 

🌼 ஆரம்பத்தில் தொழுகையை பற்றி நபி (ஸல்) அவர்கள் விவரிக்கும் ஹதீஸில் 

 ثُمَّ ارْفَعْ حَتَّى تَعْتَدِلَ قَائِمًا 

🌼 (ருகூவிற்கு பின்னர்) நீங்கள் நேராக நிமிர்ந்து நிற்கும் வரை எழுந்திருங்கள்(புஹாரி, முஸ்லீம் 

ஃபிக்ஹ்

பள்ளிவாசல் ஒழுக்கங்கள் மற்றும் சிறப்புகள்

பாகம் – 13

பள்ளியில் சாப்பிடலாமா, தங்கலாமா?

💕 இப்னு உமர் (ரலி) – நபி (ஸல்) வின் காலத்தில் நாங்கள் கைலூலா(லுஹருக்கு முன் தூக்கம்) தூங்குவோம். அப்போது நாங்கள் வாலிபர்களாக இருந்தோம். 

திண்ணைத்தோழர்கள் நபி (ஸல்) வின் பள்ளியில் தங்கியிருந்தார்கள்,  

அப்துல்லாஹ் இப்னு ஹாரிஸ் (ரலி) – நபி (ஸல்) காலத்தில் நாங்கள் ரொட்டி மற்றும் இறைச்சிகளை பள்ளியில் சாப்பிட்டிருக்கிறோம் (இப்னு மாஜா)

💕 கஹப் (ரலி) – நபி (ஸல்) – உங்களிலொருவர் நல்லமுறையில் உளூ செய்து பள்ளிக்காக வெளியேறிச்சென்றால் இரண்டு கைகளையும் கோர்த்துக்கொண்டு செல்லவேண்டாம்.

💕 நபி (ஸல்) ஒரு முறை கைகளை கோர்த்தவரை கண்டபோது அவ்வாறு செய்யவேண்டாம் இது ஷைத்தானுடைய வேலை.ஏனெனில் தொழுகைக்காக காத்திருக்கும்போது தொழுகையிலிருக்கிறார்.

💕 நபி (ஸல்) இரண்டு கால்களையும் உயர்த்தியவாறு அமர்வதை தடுத்திருக்கிறார்கள்.

💕 அனஸ் (ரலி) – தூண்களுக்கு இடையில் தொழுவதிலிருந்தும் நாங்கள் தடுக்கப்பட்டிருக்கிறோம் மேலும் விரட்டப்பட்டிருக்கிறோம்.

ஃபிக்ஹ்

பள்ளிவாசல் ஒழுக்கங்கள் மற்றும் சிறப்புகள்

பாகம் – 12

பள்ளியில் சத்தமாக பேசக்கூடாது 

💕 இப்னு உமர் (ரலி) – ஒரு முறை நபி (ஸல்) பள்ளிக்குள் வரும்போது மக்கள் தொழுதுகொண்டு சப்தத்தில் குர்ஆன் ஓதிக்கொண்டிருந்தனர். அப்போது நபி (ஸல்) ஒரு மனிதர் தொழும்போது அவர் தன்னுடைய இறைவனுடன் உரையாடிக்கொண்டிருக்கிறார். அவர் எதை உரையாடுகிறார் என்பதை அவர் பார்த்துக்கொள்ளட்டும் உங்களிலொருவர் குர்ஆனை சத்தமாக ஓத வேண்டாம்.(அஹ்மத்- ஸஹீஹ்)

💕 ஜாபிர் இப்னு சமுரா (ரலி) – நபி (ஸல்) சுபுஹ் தொழுகையை தொழுதால் சூரியன் உதிக்கும் வரை அவ்விடத்தை விட்டு எழ மாட்டார்கள். அதன் பின் எழுந்து அங்கு சில மக்கள் ஜாஹிலிய்யா சம்பவங்களை பேசி சிரித்துக்கொண்டிருப்பார்கள். அவர்களுடன் நபி (ஸல்) புன்முறுவல் புரிவார்கள்(முஸ்லீம்)

ஃபிக்ஹ்

பள்ளிவாசல் ஒழுக்கங்கள் மற்றும் சிறப்புகள்

பாகம் – 11

💕 அபூஹுரைரா (ரலி) – நபி (ஸல்) – காணாமல் போன ஒரு பொருளைப்பற்றிய அறிவிப்பை எவரேனும் பள்ளியில் செய்தால் நீங்கள் அவரிடம் உன்னுடைய பொருளை அல்லாஹ் திருப்பித்தராமல் இருக்கட்டும் என்று கூறுங்கள் (முஸ்லீம்)

💕 நபி (ஸல்) – பள்ளியில் ஒரு பொருளை விற்பதையோ வாங்குவதையோ நீங்கள் கண்டால் உன்னுடைய வியாபாரத்தில் அல்லாஹ் லாபத்தை தாராமலிருக்கட்டும் என்று கூறுங்கள்.(நஸயீ, திர்மிதி)

ஃபிக்ஹ்

பள்ளிவாசல் ஒழுக்கங்கள் மற்றும் சிறப்புகள்

பாகம் – 10

பள்ளிவாசலுக்கு வருகையில் உடல் சுத்தம் 

🌰 ஜாபிர் (ரலி) – நபி (ஸல்) – பூண்டு வெங்காயம் போன்றவற்றை உண்டு(துர்நாற்றம் வீசும் அளவுக்கு) பள்ளிக்கு வர வேண்டாம். மனிதர்களுக்கு சிரமப்படுத்தும் நாற்றங்கள் மலக்குகளுக்கும் சிரமப்படுத்தும்.

ஸூரத்துல் ஹஜ் 22:32

ذٰلِكَ وَمَنْ يُّعَظِّمْ شَعَآٮِٕرَ اللّٰهِ فَاِنَّهَا مِنْ تَقْوَى الْقُلُوْبِ‏

இதுதான் (இறைவன் வகுத்ததாகும்,) எவர் அல்லாஹ்வின் சின்னங்களை மேன்மை படுத்துகிறாரோ நிச்சயமாக அது உள்ளச்சத்தால் (ஏற்பட்டது) ஆகும்.

ஸூரத்துல் அஃராஃப் 7:31

خُذُوْا زِيْنَتَكُمْ عِنْدَ كُلِّ مَسْجِدٍ 

…ஒவ்வொரு மஸ்ஜிதிலும் தொழுங்காலம் உங்களை ஆடைகளால் அழகாக்கிக் கொள்ளுங்கள்;…

ஃபிக்ஹ்

பள்ளிவாசல் ஒழுக்கங்கள் மற்றும் சிறப்புகள்

பாகம் – 9

💕 நபி (ஸல்) – உங்களிலொருவர் உமிழ்ந்தால் அதை இன்னொருவர் மீது படாத அளவிற்கு அதை மறைத்துக்கொள்ளட்டும்.(அஹ்மத்)

💕 நபி (ஸல்) – உங்களிலொருவர் தொழுகையிலிருந்தால் அவர்களுக்கு முன்னால் துப்ப வேண்டாம். ஏனெனில் அவர் அல்லாஹ்வுடன் உரையாடிக்கொண்டிருக்கிறார்.அவர் இடது பக்கம் துப்பட்டும் அல்லது அவரது காலுக்கு கீழே துப்பி மண்ணால் மறைத்து விடட்டும்.(புஹாரி)

💕 நபி (ஸல்) வின் பள்ளியில் ஒரு கிராம வாசி சிறுநீர் கழித்தபோது நபி (ஸல்) பள்ளிவாசல்கள் அசுத்தப்படுத்துவதற்கான இடமல்ல அல்லாஹ்வை நினைவு கூறுவதற்கான இடம் என்றார்கள். 

ஃபிக்ஹ்

பள்ளிவாசல் ஒழுக்கங்கள் மற்றும் சிறப்புகள்

பாகம் – 8

பள்ளிவாசல்களை  சுத்தப்படுத்துதல் 

💕 ஆயிஷா (ரலி) – நபி (ஸல்) நாங்கள் வசிக்கும் பகுதிகளில் பள்ளிவாசல் கட்டுமாறு ஏவினார்கள் மேலும் அதை மணமாகவும், சுத்தமாகவும் வைத்துக்கொள்ளும்படி ஏவினார்கள்  (அஹ்மத், அபூதாவூத், திர்மிதி, இப்னு ஹிப்பானில் வரக்கூடிய அறிவிப்பாளர் வரிசை சிறந்தது என அறிஞர்கள் கருத்து)

மற்றொரு அறிவிப்பில் :

💕அனஸ் (ரலி) – நபி (ஸல்) – பள்ளியிலிருந்து வெளியில் வீசும் அசுத்தங்கள் உட்பட என்னுடைய உம்மத் செய்யக்கூடிய நல்ல அமல்கள் எனக்கு எடுத்துக்காட்டப்படுகின்றது

💕 நபி (ஸல்) காலத்தில் பள்ளியை சுத்தம் செய்யும் ஒரு கருப்பு பெண் மரணித்தபோது இரவு நேரமாக இருந்ததால் நபி (ஸல்) விற்கு தெரியப்படுத்தாமல் அடக்கம் செய்துவிட்டனர்.விவரம் அறிந்த நபி (ஸல்); அவர்களது கப்ருக்கு சென்று அங்கு தொழுகை நடத்தினார்கள்.

ஃபிக்ஹ்

பள்ளிவாசல் ஒழுக்கங்கள் மற்றும் சிறப்புகள்

பாகம் – 7

பள்ளிவாசலை அலங்கரித்தல் 

💕 அனஸ் (ரலி) – நபி (ஸல்) – பள்ளிவாசல்களை அலங்கரிப்பதில் மக்களிடையே போட்டி போடும் வரை மறுமைநாள் வராது (முஸ்னத் அஹ்மத், அபூதாவூத், நஸயீ, இப்னு மாஜா, ஸஹீஹ் இப்னு ஹிப்பான்)

💕 நபி (ஸல்) – ஒரு காலம் வரும் அப்போது பள்ளிவாசலை கட்டுவதில் மக்கள் போட்டி போடுவார்கள் ஆனால் அதை சரியாக பராமரிக்க மாட்டார்கள் (இப்னு ஹுஸைமா)

💕 இப்னு அப்பாஸ் (ரலி) – நபி (ஸல்) – பள்ளிகளின் சுவறுகளை உயர்த்திக்கட்டும்படி நான் ஏவப்பட்ட வில்லை (அபூதாவூத்,ஸஹீஹ் இப்னு ஹிப்பான்)

💕 இப்னு அப்பாஸ் (ரலி) – நபி (ஸல்) – யூத கிறிஸ்தவர்கள் அவர்களுடைய வணக்க ஸ்தலங்களை அலங்கரிப்பது போல நீங்களும் செய்வீர்கள் 

💕 உமர் (ரலி) பள்ளிவாசல் கட்டும்படி ஏவிவிட்டு மக்களுக்கு மழையிலிருந்து பாதுகாக்க ஒரு கூரையை போட்டுவிடுங்கள் அதில் சிவப்பு அல்லது மஞ்சள் நிறங்களை பூசி மக்களை ஃபித்னா வில் ஆழ்த்திவிட வேண்டாம்.