ஸீரா

பாகம் ௦7

💕 வசதி படைத்தவர்களை கண்ணியமிக்கவர்களாக கருதுதல்

❣ ஸூரத்துஜ் ஜுக்ருஃப் 43:31

وَقَالُوْا لَوْلَا نُزِّلَ هٰذَا الْقُرْاٰنُ عَلٰى رَجُلٍ مِّنَ الْقَرْيَتَيْنِ عَظِيْمٍ‏

மேலும் அவர்கள் கூறுகிறார்கள்: இந்த குர்ஆன் இவ்விரண்டு ஊர்களிலுள்ள பெரிய மனிதர் மீது இறக்கப்பட்டிருக்கக் கூடாதா?”

🏵 ஏழை எளியவர்களை இழிவாகவும் தாழ்வாகவும் நினைத்தார்கள்

🏵 பறவைசகுனம், சாஸ்த்திரம், போன்ற பல மூட நம்பிக்கைகள் காணப்பட்டன

🏵 ஜின்களிடம் பாதுகாவல் தேடிக்கொண்டிருந்தனர்

❣ ஸூரத்துல் ஜின் 72:6

وَّاَنَّهٗ كَانَ رِجَالٌ مِّنَ الْاِنْسِ يَعُوْذُوْنَ بِرِجَالٍ مِّنَ الْجِنِّ فَزَادُوْهُمْ رَهَقًا ۙ‏

“ஆனால், நிச்சயமாக மனிதர்களிலுள்ள ஆடவர்களில் சிலர் ஜின்களிலுள்ள ஆடவர்கள் சிலரிடம் காவல் தேடிக் கொண்டிருந்தனர்; இதனால் அவர்கள், (ஜின்களிலுள்ள அவ்வாடவர்களின்) மமதையை பெருக்கிவிட்டனர்.

ஸீரா

பாகம் ௦6

💕 அவர்களுடைய தொழுகை கைதட்டுவதும் சீட்டியடிப்பதும்

❣ ஸூரத்துல் அன்ஃபால் 8:35

وَمَا كَانَ صَلَاتُهُمْ عِنْدَ الْبَيْتِ اِلَّا مُكَآءً وَّتَصْدِيَةً‌  ؕ فَذُوْقُوا الْعَذَابَ بِمَا كُنْتُمْ تَكْفُرُوْنَ‏

அப்பள்ளியில் அவர்களுடைய தொழுகையெல்லாம் சீட்டியடிப்பதும், கை தட்டுவதுமே தவிர வேறில்லை. (ஆகவே மறுமையில் அவர்களுக்குக் கூறப்படும்:) “நீங்கள் நிராகரித்ததின் காரணமாக (இப்போது) வேதனையைச் சுவையுங்கள்” (என்று).

⚜ சிலைகளின் பெயரால் அறுத்துப்பலியிடுவார்கள்.

⚜ லாத் உஸ்ஸா என்ற சிலைகளின் பெயர்களில் சத்தியங்கள் செய்துக்கொண்டிருந்தார்கள்.

⚜ நபி (ஸல்) – ஒரு மனிதன் கவனிக்காமல் ஒரு வார்த்தையை சொல்கிறான் அதன் காரணமாக அவன் நரகத்தின் அடிபாதாளத்தில் விழுந்து விடுகிறான்.

⚜ நட்சத்திரங்களின் காரணமாக மழை பொழிந்தது என நம்புதல்

⚜ வம்சாவழியை சொல்லி பரம்பரை பெருமையை சொல்லுதலும் பிறரின் கோத்திரத்தை அவமானப்படுத்துவதும்

أن النبي صلى الله عليه وسلم قال: “أربع من أمتي من أمر الجاهلية لا

يتركونهن: الفخر في الأحساب، والطعن في الأنساب، والاستسقاء بالنجوم،

والنياحة…”.

இப்னு அப்பாஸ் (ரலி) – நபி (ஸல்) – என்னுடைய உம்மத்தில் 4 ஜாஹிலிய்யா பழக்கங்கள்:

🍃 குடும்ப கெளரவத்தை சொல்லிப்பெருமை கொள்வது

🍃 வம்சாவழியை சொல்லி குத்திக்காட்டுவது

🍃 நட்சத்திரங்களால் மழை பொழிகிறது என நம்புவது

🍃 ஒப்பாரி வைப்பது.

(புஹாரி)

🍃 பாட்டன் பூட்டன் செயல்களை வைத்து ஒருவரை குறைகாணுவார்கள்.

⚜ கஃபாவிற்கு சொந்தக்காரர்கள் என பெருமைப்பட்டார்கள்

❣ ஸூரத்துல் முஃமினூன் 23:67

مُسْتَكْبِرِيْنَ ‌ۖ  بِهٖ سٰمِرًا تَهْجُرُوْنَ‏

ஆணவங் கொண்டவர்களாக இராக்காலத்தில் கூடி குர்ஆனை பற்றி கட்டுக்கதைகள் போல் வீண் வார்த்தையாடியவர்களாக (அதைப் புறக்கணித்தீர்கள் என்று அவர்களிடம் கூறப்படும்).

ஸீரா

பாகம் ௦5

💕 காலம் செய்கிற கோலம் என்ற நம்பிக்கை

❣ ஸூரத்துல் ஜாஸியா 45:24

وَقَالُوْا مَا هِىَ اِلَّا حَيَاتُنَا الدُّنْيَا نَمُوْتُ وَنَحْيَا وَمَا يُهْلِكُنَاۤ اِلَّا الدَّهْرُ‌ؕ وَمَا لَهُمْ بِذٰلِكَ مِنْ عِلْمٍ‌

ۚ اِنْ هُمْ اِلَّا يَظُنُّوْنَ‏

மேலும் (மறுமையை நம்பாத) அவர்கள்: “நமது இந்த உலக வாழ்க்கையைத் தவிர வேறு (வாழ்க்கை) கிடையாது; நாம் இறக்கிறோம்; ஜீவிக்கிறோம்; “காலம்” தவிர வேறெதுவும் நம்மை அழிப்பதில்லை” என்று கூறுகிறார்கள்; அவர்களுக்கு அது பற்றிய அறிவு கிடையாது – அவர்கள் (இது பற்றிக் கற்பனையாக) எண்ணுவதைத் தவிர வேறில்லை.

🌹 ஆயிஷா (ரலி) – குறைஷிகள் ஹஜ்ஜில் முஸ்தலிஃபா வில் தங்குவார்கள் பிறர் அரஃபாத்தில் தங்குவார்கள்.பிறகு அல்லாஹ்வின் கட்டளை வந்தபின் அரஃபா வில் தங்க ஆரம்பித்தோம்.

ஸீரா

பாகம் ௦4

💕அல்லாஹ்வுடைய விதியை மறுக்கக்கூடியவர்களாக இருந்தார்கள்.

❣ ஸூரத்துல் அன்ஆம் 6:148

لَوْ شَآءَ اللّٰهُ مَاۤ اَشْرَكْنَا وَلَاۤ اٰبَآؤُنَا وَلَا حَرَّمْنَا مِنْ شَىْءٍ‌ ؕ

….“அல்லாஹ் நாடியிருந்தால், நாங்களும் எங்கள் மூதாதையர்களும் இணை வைத்திருக்க மாட்டோம்; நாங்கள் எந்தப் பொருளையும் (எங்கள் விருப்பப்படி) ஹராமாக்கியிருக்கவும் மாட்டோம்” என்று கூறுவார்கள்….

💕 மறுமையை புறக்கணித்தனர்

❣ ஸூரத்துந் நஹ்ல் 16:38

وَ اَقْسَمُوْا بِاللّٰهِ جَهْدَ اَيْمَانِهِمْ‌ۙ لَا يَبْعَثُ اللّٰهُ مَنْ يَّمُوْتُ‌ؕ بَلٰى وَعْدًا عَلَيْهِ حَقًّا وَّلٰـكِنَّ اَكْثَرَ

النَّاسِ لَا يَعْلَمُوْنَۙ‏

இறந்தவர்களை அல்லாஹ் (உயிர்ப்பித்து) எழுப்ப மாட்டான் என்று அவர்கள் அல்லாஹ்வின் மீது பிரமாணமாகச் சத்தியம் செய்கிறார்கள். அப்படியல்ல! (உயிர் கொடுத்து எழுப்புவதான அல்லாஹ்வின்) வாக்கு மிக்க உறுதியானதாகும்; எனினும் மக்களில் பெரும்பாலோர் இதை அறிந்து கொள்வதில்லை.

🌷 உலக ஆதாயங்களுக்காகவே அவர்கள் சிலைகளை வழிப்பட்டுக்கொண்டிருந்தனர்

🌷 அவர்களில் சில கவிஞ்ர்கள் மறுமை இருக்கிறது என்று நம்பியும் இருந்தார்கள்.

ஸீரா

பாகம் ௦3 

ஜாஹிலிய்யா காலத்து நம்பிக்கைகள்

♦️ அவர்கள் அல்லாஹ் இருக்கிறான் என்று நம்பிக்கை கொண்டிருந்தபோதும்; ஆனால் அவர்களின் புரிதலில் கோளாறுகள் இருந்தன. அல்லாஹ்வின் திருநாமங்களைப்பற்றி தவறாக பயன்படுத்துபவர்காளாக இருந்தார்கள்.

❣ ஸூரத்துல் அஃராஃப் 7:180

وَلِلّٰهِ الْاَسْمَآءُ الْحُسْنٰى فَادْعُوْهُ بِهَا‌ وَذَرُوا الَّذِيْنَ يُلْحِدُوْنَ فِىْۤ اَسْمَآٮِٕهٖ‌ ؕ سَيُجْزَوْنَ مَا

كَانُوْا يَعْمَلُوْنَ‏

அல்லாஹ்வுக்கு அழகிய திருநாமங்கள் இருக்கின்றன; அவற்றைக் கொண்டே நீங்கள் அவனைப் பிரார்த்தியுங்கள், அவனுடைய திருநாமங்களை தவறாக பயன்படுத்துவோர்களை (புறக்கணித்து) விட்டு விடுங்கள் – அவர்களுடைய செயல்களுக்காக அவர்கள் (தக்க) கூலி கொடுக்கப்படுவார்கள்.

• இறைவனுடைய பண்புகள் மற்றும் பெயர்களில் சிலவற்றையெல்லாம் மறுத்தனர். மேலும் மார்க்கம் சொல்லாத பெயர்களை அவர்களாக இறைவனுக்கு சூட்டினர். அவற்றில் தவறான கருத்துள்ள பெயர்களும் அடங்கின.

• இறைவனுக்கு பிள்ளை இருப்பதாக நம்பினார்கள்

• அல்லாஹ் தேவையுடையவன் என நம்பிக்கொண்டிருந்தனர்.

• மலக்குமார்கள் அல்லாஹ்வின் பெண்பிள்ளைகள் என நம்பிக்கொண்டிருந்தனர் ஆயினும் அவர்கள் பெண்பிள்ளைகளை விரும்பாதவர்களாக இருந்தார்கள்.

• ஜின்ங்கள் அல்லாஹ்வின் கூட்டாளிகள் என நம்பினர். மேலும் அவர்களுக்கு அல்லாஹ்வின் ஆட்சியில் பங்கு இருக்கிறது என நம்பினர்.

❣ ஸூரத்துல் அன்ஆம் 6:100

وَجَعَلُوْا لِلّٰهِ شُرَكَآءَ الْجِنَّ وَخَلَقَهُمْ‌ وَخَرَقُوْا لَهٗ بَنِيْنَ وَبَنٰتٍۢ بِغَيْرِ عِلْمٍ‌ؕ سُبْحٰنَهٗ وَتَعٰلٰى

عَمَّا يَصِفُوْنَ‏

இவ்வாறிருந்தும் அவர்கள் ஜின்களை அல்லாஹ்வுக்கு இணையானவர்களாக ஆக்குகிறார்கள்; அல்லாஹ்வே அந்த ஜின்களையும் படைத்தான்; இருந்தும் அறிவில்லாத காரணத்தால் இணைவைப்போர் அவனுக்குப் புதல்வர்களையும், புதல்விகளையும் கற்பனை செய்து கொண்டார்கள் – அவனோ இவர்கள் இவ்வாறு வர்ணிப்பதிலிருந்து தூயவனாகவும், உயர்ந்தவனுமாக இருக்கிறான்.

❣ ஸூரத்துந் நஹ்ல் 16:57

وَيَجْعَلُوْنَ لِلّٰهِ الْبَـنٰتِ سُبْحٰنَهٗ‌ۙ وَلَهُمْ مَّا يَشْتَهُوْنَ‏

மேலும், அவர்கள் அல்லாஹ்வுக்குப் பெண் மக்களை ஏற்படுத்துகிறார்கள்; அவன் (இவர்கள் கூறுவதிலிருந்து) மகா பரிசுத்தமானவன். ஆனால் அவர்கள் தங்களுக்காக விரும்புவதோ (ஆண் குழந்தைகள்).

ஸீரா

பாகம் ௦2 

💕குர்ஆனில் ஜாஹிலிய்யா மக்களின் நம்பிக்கைகளில் சிலவற்றை அல்லாஹ் எடுத்துக்கூறுகிறான்

அல்லாஹ்விடம் சிலைகள் பரிந்துரை செய்யும் என்ற தவறான எண்ணத்தின் காரணமாகவே அவர்கள் அவைகளை வணங்கி வந்தார்கள்.

🏵 ஸூரத்து யூனுஸ் 10:18

وَيَعْبُدُوْنَ مِنْ دُوْنِ اللّٰهِ مَا لَا يَضُرُّهُمْ وَلَا يَنْفَعُهُمْ وَيَقُوْلُوْنَ هٰٓؤُلَاۤءِ شُفَعَآؤُنَا عِنْدَ

اللّٰهِ‌ؕ…

தங்களுக்கு (யாதொரு) நன்மையோ தீமையோ செய்ய இயலாத அல்லாஹ் அல்லாதவற்றை (முஷ்ரிக்குகள்) வணங்குகிறார்கள்; இன்னும் அவர்கள், “இவை எங்களுக்கு அல்லாஹ்விடம் மன்றாட்டம் செய்பவை” என்றும் கூறுகிறார்கள்;…

✤ இந்த வசனத்தின் மூலம் அவர்கள் அல்லாஹ்வை நம்பிக்கை கொண்டவர்களாகத்தான் இருந்தார்கள் என்று விளங்குகிறது

✤ கஃபாவில் இப்ராஹிம் (அலை) இஸ்மாயில் (அலை) அவர்களுடைய சிலைகளையும் வைத்திருந்தார்கள்.

💕  மூதாதையரின் வழியே சரி என்று நம்பிக்கை கொண்டிருந்தனர்

🏵 ஸூரத்துஜ் ஜுக்ருஃப் 43:22

بَلْ قَالُوا إِنَّا وَجَدْنَا آبَاءَنَا عَلَىٰ أُمَّةٍ وَإِنَّا عَلَىٰ آثَارِهِم مُّهْتَدُونَ

அப்படியல்ல! அவர்கள் கூறுகிறார்கள்: “நிச்சயமாக நாங்கள் எங்களுடைய மூதாதையர்களை ஒரு மார்க்கத்தில் கண்டோம்; நிச்சயமாக நாங்கள் அவர்களுடைய அடிச்சுவடுகளையே பின்பற்றுகிறோம்.”

💕ஹஜ்ஜில் கலக்கப்பட்ட மூட நம்பிக்கைகள்

• கஃபாவில் சிலைகள் வைக்கப்பட்டன.

• அந்த சிலைகளை சுற்றி தவாஃப் செய்தார்கள்.

• ஸஃபாவிலும் மர்வா விலும் சிலைகள் வைத்திருந்தார்கள்.

• இப்ராஹிம் நபி காட்டித்தந்த முறைக்கு மாற்றமாக அரபா தினத்தில் முஸ்தலிஃபா வில் தங்கினார்கள்.

• பாவம் செய்த ஆடைகளுடன் கஃபாவை வலம் வர முடியாது என்று கூறி நிர்வானமாக வலம் வந்தார்கள்.