தஃப்ஸீர் 
சூரா அல்ஃபுர்கான் பாகம் – 5

❤ வசனம் 65

وَالَّذِيْنَ يَقُوْلُوْنَ رَبَّنَا اصْرِفْ عَنَّا عَذَابَ جَهَـنَّمَ ‌ۖ   اِنَّ عَذَابَهَا كَانَ غَرَامًا

➥   “எங்கள் இறைவனே! எங்களைவிட்டும் நரகத்தின் வேதனையைத் திருப்புவாயாக; நிச்சயமாக அதன் வேதனை நிரந்தரமானதாகும்” என்று கூறுவார்கள்.

❤ நபி(ஸல்) – நீங்கள் நரகத் தீப்பற்றி சரியாக புரிந்து கொண்டால் சொர்க்கத்தை கேட்க மாட்டீர்கள் நரகத்தை விட்டும் பாதுகாவல் தேடுவீர்.

ان عذاب ربك لوا قع ماله من دافع

❤ உமர்(ரலி) – நிச்சயமாக உன்னுடைய ரப்பின் வேதனை வந்தே தீரும் அதை தடுக்க யாருமில்லை என்ற வசனத்தை திரும்ப திரும்ப ஓதியே நோய்வாய்ப்பட்டார்.

❤ நபி(ஸல்) – ஒரு முறை மிம்பரிலிருந்து أنذرتكم النار (உங்களுக்கு நரகத்தை எச்சரிக்கிறேன்) என்று சத்தத்தை உயர்த்தி கூறிக்கொண்டே இருந்தார்கள். நபி(ஸல்) வில் தோளிலிருந்து துண்டு கீழே விழுந்தது. ஸஹாபாக்கள் அனைவரும் கையால் முகத்தை மூடி தேம்பி தேம்பி அழுதார்கள்.

❤ நரக நெருப்பின் நிறம் கருப்பு. நரகத்தின் குறைந்த தண்டனை நெருப்பாலான செருப்பு அதை காலில் அணிந்தால் மூளை கொதிக்கும்.

❤ நரகத்தில் தரப்படும் சூடான நீர் முகத்தை பொசுக்கும். அதை குடித்தால் அவர்களுடைய குடல்கள் துண்டு துண்டாகிவிடும்.

❤ பசித்தால் அவனுக்கு சீழும் சலமும் தான் கொடுக்கப்படும். அதை விழுங்க முடியாமல் தடுமாறுவான். மரணம் எல்லா பக்கங்களிலிருந்தும் வரும் ஆனால் அவன் மரணிக்க மாட்டான். தோல் பொசுங்கி விட்டால் வேறு தோல்களை அல்லாஹ் மாற்றுவான்.

❤ ஜக்கூம் உலகில் ஒரு சொட்டு விழுந்தால் உலகமே விஷமாகிவிடும். ஆனால் நரகவாசிகள் உணவே அதுதான். 

தஃப்ஸீர் சூரா அல்ஃபுர்கான்

பாகம் 4

❤ வசனம் 64

وَالَّذِيْنَ يَبِيْتُوْنَ لِرَبِّهِمْ سُجَّدًا وَّقِيَامًا‏ 

ஸுஜூத் –  سُجَّدًا

நின்ற நிலையிலும் –  وَّقِيَامًا‏  

➥   இன்னும், அவர்கள் தங்கள் இறைவனை ஸஜ்தா செய்தவர்களாகவும், நின்றவர்களாகவும் வழிபாடு செய்து இரவிலிருப்பார்களே அவர்கள்.

،أوصاني  خليلي صلى الله عليه وسلم بثلاث: صيام ثلاثه أيام من كل شهر ❤

وركعتي الضحي، وأن أوتر قبل أن أنام

➥   அபூஹுரைரா (ரலி) – என்னுடைய தோழர் நபி (ஸல்) எனக்கு மாதத்தில் 13, 14, 15 ஆம் நாட்கள் நோன்பு வைக்குமாறும், லுஹா தொழுமாறும், தூங்கும் முன் வித்ர் தொழுமாறும் உபதேசம் செய்தார். அன்றிலிருந்து நான் இந்த 3ஐயும் விடவில்லை.

❤  அழைப்புப்பணியில் இருப்பவர் இரவுத்தொழுகை(தஹஜ்ஜுத்) தொழுவது சிறந்தது.

✿ சூரா அல் முஜ்ஜம்மில் 73 : 2, 3, 4, 5

  (2) قُمِ الَّيْلَ اِلَّا قَلِيْلًا 

➥   இரவில் – சிறிது நேரம் தவிர்த்து (தொழுகைக்காக எழுந்து) நிற்பீராக;

(3) نِّصْفَهٗۤ اَوِ انْقُصْ مِنْهُ قَلِيْلًا

➥   அதில் பாதி (நேரம்) அல்லது அதில் சிறிது குறைத்துக் கொள்வீராக!

(4) اَوْ زِدْ عَلَيْهِ وَرَتِّلِ الْقُرْاٰنَ تَرْتِيْلًا

➥   அல்லது அதைவிடச் சற்று அதிகப்படுத்திக் கொள்வீராக; மேலும் குர்ஆனைத் தெளிவாகவும், நிறுத்தி, நிறுத்தியும் ஓதுவீராக.

 (5) اِنَّا سَنُلْقِىْ عَلَيْكَ قَوْلًا ثَقِيْلًا

➥   நிச்சயமாக, நாம் விரைவில் கனமான உறுதியான – ஒரு வாக்கை உம்மீது இறக்கி வைப்போம்.

(6) اِنَّ نَاشِئَةَ الَّيْلِ هِىَ اَشَدُّ وَطْـاً وَّاَقْوَمُ قِيْلًا

➥   நிச்சயமாக, இரவில் எழு(ந்திருந்து வணங்கு)வது (அகத்தையும் புறத்தையும்) ஒருங்கிணைக்க வல்லது. மேலும் வாக்கையும் செவ்வைப்படுத்த வல்லது.

❤  இரவுத்தொழுகை அசதி அல்லது நோயின் காரணமாக விட்டுவிட்டால் பகலில் அதற்கு நிகராக தொழுவார்கள் (இரவில் 11 என்றால் பகலில் அதை 12 ஆக்கி தொழுவார்கள்)

தஃப்ஸீர் சூரா அல்ஃபுர்கான்

பாகம் 3

அர் ரஹ்மானின் அடியார்கள்

❤  ஜாஹில்களுடன் பேசினால் அவர்களுக்கு ஸலாம் கூறிச்செல்வார்கள்.

❤  ஜாஹில் என்றால் யார்?

رجل يدري ولا يدري أنه يدري ⚫

❤  தனக்கு தெரியாது என்பதை உணராதவன் தான் ஜாஹில்.

اللهم أهد قومي فإنهم لا يعلمون ⚫

❤  நபி (ஸல்) – என்னுடைய சமுதாயம் அறியாமையில் இருக்கிறது. அவர்களுக்கு நீ நேர்வழி காட்டுவாயாக.

اللهم اغفر لقومي فإنهم لا يعلمون ⚫

❤  நபி (ஸல்) – என்னுடைய சமுதாயம் அறியாதவர்களாய் இருக்கிறார்கள். அவர்களுக்கு நீ மன்னிப்பளிப்பாயாக

தஃப்ஸீர் சூரா அல்ஃபுர்கான்

பாகம் 2

❁ சூரா பனீ இஸ்ராயீல் 17:37

وَلَا تَمْشِ فِى الْاَرْضِ مَرَحًا‌ ۚ اِنَّكَ لَنْ تَخْرِقَ الْاَرْضَ وَلَنْ تَبْلُغَ الْجِبَالَ طُوْلًا‏

➥   மேலும், நீர் பூமியில் பெருமையாய் நடக்க வேண்டாம்; (ஏனென்றால்) நிச்சயமாக நீர் பூமியைப் பிளந்துவிட முடியாது; மலையின் உச்சி(யளவு)க்கு உயர்ந்து விடவும் முடியாது.

❁ சூரா லுக்மான் 31:19

وَاقْصِدْ فِىْ مَشْيِكَ وَاغْضُضْ مِنْ صَوْتِكَ‌ؕ اِنَّ اَنْكَرَ الْاَصْوَاتِ لَصَوْتُ الْحَمِيْرِ

➥   உன் நடையில் (மிக வேகமோ, அதிக சாவதானமோ இல்லாமல்) நடுத்தரத்தை மேற்கொள்; உன் குரலையும் தாழ்த்திக் கொள்; குரல்களிலெல்லாம் வெறுக்கத்தக்கது நிச்சயமாக கழுதையின் குரலேயாகும்.

❤  நபி (ஸல்) வின் கையை பிடித்து அடிமைப்பிள்ளைகள் இழுத்துச்செல்லும்.

❤  நபி (ஸல்) – வீட்டிலுருக்கும்போது வேலைகளை தானே செய்வார்கள். அவருடைய செருப்பை தானே தைப்பார்கள். ஆடைகளை தானே துவைப்பார்கள்.

❤  நபி (ஸல்) – கருப்பான பிலால் (ரலி) இடம் நடந்து கொண்ட விதம்.

❤  பணிவோடு நடப்பதென்றால் நடையில் பணிவு அதை சரியான முறையில் புரிந்துகொள்ளுங்கள்.

தஃப்ஸீர் – சூரா அல்ஃபுர்கான்

பாகம் 1

ரஹ்மானுடைய அடியார்கள்

❤ வசனம் 63 

وَعِبَادُ الرَّحْمٰنِ الَّذِيْنَ يَمْشُوْنَ عَلَى الْاَرْضِ هَوْنًا وَّاِذَا خَاطَبَهُمُ الْجٰهِلُوْنَ قَالُوْا سَلٰمًا‏

➥   இன்னும் அர்ரஹ்மானுடைய அடியார்கள் (யாரென்றால்) அவர்கள்தாம் பூமியில் பணிவுடன் நடப்பவர்கள்; மூடர்கள் அவர்களுடன் பேசி(வாதா)ட முற்பட்டால் “ஸலாம்” (சாந்தியுண்டாகட்டும் என்று) சொல்லி (விலகிப் போய்) விடுவார்கள்.

அர் ரஹ்மான் – அல்லாஹ்விடம் உள்ள பண்பு. இயல்பாக அவன் அன்புள்ளவன், கருணையுள்ளவன்.

ரஹீம் – தன்னிடத்தில் உள்ள அன்பை அவன் பிறருக்கு கொடுக்கக்கூடியவன்.

❤ முஷ்ரிக்குகள் அல்லாஹ்வை அர் ரஹ்மான் என்று ஏற்றுக்கொள்ளவில்லை. முஸ்லிம்கள் தான் அதை ஏற்றுக்கொண்டார்கள்.

அவனுடைய அடியார்கள் எப்படி இருப்பார்களென்றால்:

1. அவர்கள் பூமியில் நடந்து சென்றால் பணிவுடன் நடப்பார்கள்.

இப்னு தய்மிய்யாஹ் (ரஹ்) – அகீதா வை பூரணப்படுத்தக்கூடியது எது என்று கேட்டபோது நல்ல பண்பு என்று கூறினார்கள்.

❁ [highlight color=”yellow”]சூரா அல்பகறா 2:85[/highlight]

اَفَتُؤْمِنُوْنَ بِبَعْضِ الْكِتٰبِ وَتَكْفُرُوْنَ بِبَعْضٍ‌ۚ

➥   வேதத்தில் சிலதை நம்பி சிலதை மறுக்கிறீர்களா?