ஃபிக்ஹ் பாகம் – 6

காலுறையின் மீது மஸஹ் செய்தல்

[highlight color=”pink”]எத்தனை நாட்கள் மஸஹ் செய்யலாம்?[/highlight]

ஊர்வாசிகள் :

→ ஒரு இரவும் ஒரு பகலும்

பிரயாணிகள் :

→ 3 பகலும் 3 இரவுகளும்

சப்வான் இப்னு அஸ்ஸான் ரலி-நபி ஸல் எங்களிடம் ஏவினார்கள்-சுத்தமான நிலையில் காலுறை அணிந்திருந்தால் ஊரிலிருந்தால் ஒரு நாளும் பிரயாணத்தில் 3 நாட்களும் மஸஹ் செய்ய ஏவினார்கள். குளிப்பு கடமையான நிலை வந்தாலே தவிர அதை நாங்கள் கழட்டுவதில்லை (முஸ்னத் ஷாபிஈ, அஹ்மத், இப்னு ஹுஸைமா, திர்மிதி மற்றும் நஸயீ – இந்த ஹதீஸ் ஸஹீஹ் என்று கூறுகிறார்கள்)

ஆயிஷா ரலி விடம் காலுறையில் மஸஹ் செய்வதை பற்றி நான் பத்வா கேட்டேன். அதற்கு ஆயிஷா ரலி அலீ ரலி அவர்களிடம் இதைப்பற்றி கேளுங்கள் அவர் என்னை விட மிக அறிந்தவர் என கூறினார்கள்-அலி ரலி கூறினார்கள் – நபி ஸல் பிரயாணிக்கு 3 இரவு 3 பகல்களும் ஊர்வாசிக்கு ஒரு இரவு ஒரு பகலும் அனுமதித்தார்கள்(அஹ்மத், முஸ்லீம், திர்மிதி, நஸயீ, இப்னு மாஜா).

ஃபிக்ஹ் பாகம் – 5

காலுறையின் மீது மஸஹ் செய்தல்

[highlight color=”orange”]எந்த இடத்தில் மஸஹ் செய்ய வேண்டும்?[/highlight]

காலுடைய மேல் பகுதி

முகீரா (ரலி) – நபி(ஸல்) தன்னுடைய இரண்டு காலுறையின் மேல் பகுதியில் மஸஹ் செய்வதை நான் பார்த்தேன் (அஹ்மத், அபீதாவூத், திர்மிதீ – ஹசன் என்று கூறுகிறார்கள்)

அலி(ரலி) – மார்க்க விஷயங்களை புத்தியை கொண்டு முடிவெடுக்கக்கூடிய விஷயங்களாக இருந்தால் காலுடைய மேல் பகுதியில் மஸஹ் செய்வதை விட கீழ் பகுதியில் மஸஹ் செய்வது தான் சிறந்ததாக இருந்திருக்கும்.

முஹ்தஸிலா என்ற வழிகெட்ட கொள்கையில் தான் மார்க்கத்தில் தமது புத்திக்கு சரி என்று பட்டதை மட்டும் ஏற்றுக்கொள்வார்கள். அது தவறாகும்.

ஃபிக்ஹ் பாகம் – 4

காலுறையின் மீது மஸஹ் செய்தல்

[highlight color=”green”]மஸஹ் செய்வதற்கான நிபந்தனை[/highlight]

அதை அணிவதற்கு முன்னர் உளூவுடன் இருக்க வேண்டும்.

ஆதாரம்

முகீரத் இப்னு ஷுஹபா (ரலி)-ஒரு இரவில் நபி (ஸல்) உடன் நானிருந்தேன். அவர்களுக்கு உளூ செய்வதற்காக பாத்திரத்தில் தண்ணீர் ஊற்றிக்கொண்டிருந்தேன். நபி (ஸல்) – கைகளை கழுவினார்கள், தலையை தடவினார்கள்…….நான் நபி (ஸல்) அணிந்திருந்த காலுறையை கழட்டுவதற்காக குனிந்தேன். ஆனால் நபி (ஸல்) அதை கழட்ட வேண்டாம். நான் உளூஉடனிருக்கும்போது தான் அதை அணிந்தேன் என்று கூறிவிட்டு தன் இரண்டு கைகளினால் காலுறையின் மீது தடவினார்கள். (புஹாரி, முஸ்லீம், அஹ்மத்)

முகீரா இப்னு ஷுஹபா (ரலி) – நபி (ஸல்) விடம் – ஒருவர் தனது காலுறையின் மீது மஸஹ் செய்யலாமா என்று கேட்டபோது நபி (ஸல்) – ஆம் செய்யலாம் அவர் சுத்தமான நிலையில் அதை அணிந்திருந்தால் (முஸ்னத் ஹுமைதி)

ஃபிக்ஹ் பாகம் – 3

காலுறையின் மீது மஸஹ் செய்தல்

[highlight color=”green”]இந்த காலத்தின் நாம் உபயோகிக்கும் துணியால் செய்யப்பட (சாக்ஸ்) காலுறையில் மஸஹ் செய்யலாமா?[/highlight]

அபூதாவூத் (ரஹ்) – அலி (ரலி) , ஆபத்துல்லாஹ் இப்னு மசூத் (ரலி), பராவு இப்னு ஆசிப் (ரலி), அனஸ் இப்னு மாலிக் (ரலி) அபூஉமாமா (ரலி), சஹத் இப்னு ஸஅத் (ரலி), அம்ரு இப்னு ஹுரைப் (ரலி), உமர் இப்னு கத்தாப் (ரலி) மேலும் இப்னு அப்பாஸ் (ரலி) போன்றவர்களெல்லாம் சாக்ஸில் மஸஹ் செய்ததாக குறிப்பிடுகிறார்கள்.

இமாம் அஹ்மத் (ரஹ்) சாக்ஸ் – இல் மஸஹ் செய்யலாம் என குறிப்பிடுகிறார்கள்.

இமாம் சுபியான் அஸ்ஸவ்ரீ, இப்னுல் முபாரக், அதாஉ, ஹசன், சயீத் இப்னுல் முஸய்யிப் (ரஹ்) போன்ற இமாம்களும் சாக்ஸில் மஸஹ் செய்யலாம் என்று கருத்து கூறுகின்றனர்.இமாம் அபூஹனீபா அவர்களின் பிரபலமான மாணவர்களில் இருவரான அபூயூசுப், முஹம்மது – சாக்ஸ் கனமாக இருக்கவேண்டும் என்று கருத்து கூறுகிறார்கள்.

இமாம் அபூஹனீபா (ரஹ்) ஆரம்ப காலத்தில் சாக்ஸில் மஸஹ் செய்வது தவறு என்ற நிலைப்பாட்டில் இருந்தார்கள் தன் மரணத்திற்கு 3 அல்லது 7 நாட்களுக்கு முன்னால் சாக்ஸில் தடவுவது கூடும் என்று தெரியவந்ததும் பிறகு சாக்ஸில் மஸஹ் செய்வது கூடும் என்று ஃபத்வா தந்தார்கள்.

கால்களில் காயத்தினாலோ அல்லது அவசிய காரணத்திற்காகவோ துணி கட்டப்பட்டிருந்தால் அதன் மீதும் தடவலாம் என ஆசிரியர் குறிப்பிடுகிறார்கள்.

ஃபிக்ஹ் பாகம் – 2

காலுறையின் மீது மஸஹ் செய்தல்

رأيت جرير بن عبد الله بال ثم توضأ ومسح على خفيه ثم قام فصلى ، فسُئل فقال

: رأيت النبي صلى الله عليه وسلم صنع مثل هذا

ஜரீர் இப்னு அப்துல்லாஹ் (ரலி) ஒரு முறை சிறுநீர் கழித்து விட்டு பிறகு உளூ செய்தார்கள் பிறகு தன் காலுறையின் மீது மஸஹ் செய்தார்கள்- (அங்கிருந்த மக்கள்) அதைப்பற்றி கேட்ட போது-இது  போலவே நபி (ஸல்) வும் சிறுநீர் கழித்துவிட்டு பிறகு உளூ செய்யும்போது காலுறையின் மீது மஸஹ் செய்தார்கள். (அஹ்மத், அபூதாவுத், திர்மிதி)

அந்த காலத்தில் காலுறை என்றால் தோலால் செய்யப்பட்ட காலுறையாகும்

ஃபிக்ஹ் பாகம் – 1

காலுறையின் மீது மஸஹ் செய்தல்

காலை கழுவாமல் காலில் போட்டிருக்கும் காலுறையின் மீது தடவுதல் :

உளூ முறிந்து விட்டால் மீண்டும் உளூ செய்யும்போது காலை கழுவாமல் காலுறையின் மேல்பகுதியில் தடவுதல்.

நவவீ (ரஹ்) – உலகத்தில் இருக்கும் அறிவுள்ளவர்கள் அனைவரும் இது கூடும் என்று கூறுகிறார்கள்.

ஷியாக்களை போன்ற வழிகெட்டவர்கள் தான் காலில் மஸஹ் செய்வதை ஏற்க மறுக்கிறார்கள்.

ஃபிக்ஹ் பாகம் – 8

உளூவை முறிக்கக்கூடிய காரியங்கள்

✥ உளூ முறிந்து விட்டதா என்று சந்தேகம் ஏற்பட்டால் :

அபூஹுரைரா (ரலி) – நபி (ஸல்) – சத்தத்தை கேட்கும் வரை அல்லது வாடையை உணரும் வரை தொழுகையை முறிக்க வேண்டாம்.

✥ சந்தேகத்தினால் உறுதி நீங்கி விடாது.

ஃபிக்ஹ் பாகம் – 7

உளூவை முறிக்கக்கூடிய காரியங்கள்

❖ ஆயிஷா (ரலி) – நான் நபி (ஸல்) க்கு முன்னால் தூங்கிக்கொண்டிருப்பேன் என்னுடைய இரண்டு கால்களும் கிப்லாவின் திசையிலிருக்கும். நபி (ஸல்) ஸுஜூது செய்யும்போது என்னை சுரண்டுவார்கள்(வேறொரு அறிவிப்பில் என் காலை சுரண்டுவார்கள் என்று வருகிறது). நான் கால்களை மடக்கிக்கொள்வேன். நபி (ஸல்) ஸுஜூது செய்வார்கள்-(புஹாரி, முஸ்லீம்).

❖ உடலிலிருந்து இரத்தம் வெளியேறுவதால் உளு முறியாது.

❖ வாந்தி ஏற்பட்டால் உளு முறியாது.

ஃபிக்ஹ் பாகம் – 6

உளூவை முறிக்கக்கூடிய காரியங்கள்

فَقَدْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ ذَاتَ لَيْلَةٍ مِنَ الْفِرَاشِ فَالْتَمَسْتُهُ فَوَقَعَتْ يَدِي عَلَى بَطْنِ قَدَمَيْهِ , وَهُوَ فِي الْمَسْجِدِ وَهُمَا مَنْصُوبَتَانِ , وَهُوَ يَقُولُ : ” اللَّهُمَّ إِنِّي أَعُوذُ بِرِضَاكَ مِنْ سَخَطِكَ , وَبِمُعَافَاتِكَ مِنْ عُقُوبَتِكَ , وَأَعُوذُ بِكَ مِنْكَ , لا أُحْصِي ثَنَاءً عَلَيْكَ , أَنْتَ كَمَا أَثْنَيْتَ عَلَى نَفْسِكَ ” . لَفْظُهُمَا وَاحِدٌ سَوَاءٌ . رَوَاهُ مُسْلِمٌ

ஆயிஷா (ரலி) -இரவில் நபி (ஸல்) வை படுக்கையில் தேடினேன். என் கை நபி (ஸல்) வின் உள்ளங்காலில் பட்டது நபி (ஸல்) மஸ்ஜிதில் இருந்தார்கள். அவர்களுடைய இரண்டு கால்களும் நட்டு வைக்கப்பட்டிருந்தது. அப்போது அவர்கள் இந்த துஆ வை ஓதினார்கள்.(முஸ்லீம்)

ஃபிக்ஹ் பாகம் – 5

உளூவை முறிக்கக்கூடிய காரியங்கள்

 ஒட்டக இறைச்சி உண்ணுதல் :

ஜாபிர் இப்னு சமுரா (ரலி) – ஒரு மனிதர் நபி (ஸல்) விடம் கேட்டார்கள்-ஆட்டிறைச்சி சாப்பிட்டால் உளூ முறியுமா?-நபி (ஸல்) விரும்பினால் உளூ செய்யலாம்-ஒட்டக இறைச்சி சாப்பிட்டால் உளூ முறியுமா?-ஆம் உளூ முறியும் ஆகவே சாப்பிட்டு விட்டு நீங்கள் உளூ செய்து கொள்ளுங்கள்(அஹ்மத், முஸ்லீம்)