ஃபிக்ஹ்

நஜீஸ்களின் வகைகள் பாகம் – 13B

🔰 மலஜலம் கழித்தால் வலது கரத்தால் சுத்தம் செய்யக்கூடாது.

🔰 நிர்பந்த  சூழல் உள்ளவர்கள் வலது கையால் சுத்தம் செய்வதில் தவறில்லை.

🔰 அபு ஹுரைரா (ரலி) – நபி (ஸல்) சிறுநீர் கழிக்கச்சென்றால் சுத்தம் 

ஃபிக்ஹ்

நஜீஸ்களின் வகைகள் பாகம் – 13A

• கப்ரில் வேதனை செய்ய பட்டவர்களை பற்றி நபி(ஸல்) கூறிய ஹதீஸ்; வேறொரு அறிவிப்பில் 
  அவர் தான் சிறுநீர் கழிக்கும்போது தன் ஆடையை மறைக்க மாட்டார்கள்.
• மற்றொருவர் கோள்சொல்லித்திரிந்தவராவார் 
• உள்ளதைச்சொல்வது தான் புறம்; இல்லாததை சொல்வது அவதூறு என்பதை நாம் புரிந்து கொள்வோம்

ஃபிக்ஹ்

நஜீஸ்களின் வகைகள் பாகம் – 12

✥ குபா வாசிகள் கற்களாலும் தண்ணீராலும் சுத்தம் செய்யக்கூடியவர்களாக இருந்தார்கள். அவர்களை புகழ்ந்து அல்லாஹ் குர்ஆனில் கூறியிருக்கிறான்.

✥ நபி (ஸல்) – உங்களிலொருவர் மலம் கழிக்கச்சென்றால் 3 கற்களைக்கொண்டு சுத்தம் செய்யட்டும் அது அவர்களுக்கு போதுமானது (அஹ்மத், அபூ தாவூத், நஸாயீ, தாரகுத்னி)

✥ அனஸ் (ரலி) – நபி (ஸல்) மலஜலம் கழிக்கச்சென்றால் நானும் இன்னொரு சிறுவரும் பாத்திரத்தில் தண்ணீர் எடுத்துக்கொண்டு போவோம். பொதுவாக நபி (ஸல்) சிறுநீர்கழிக்கும் இடத்தை குத்தி அதற்கேற்ப அந்த இடத்தை ஆக்கிவிட்டு சிறுநீர் கழிப்பார்கள்.

✥ இப்னு அப்பாஸ் (ரலி) – ஒருமுறை நபி (ஸல்) இரண்டு கப்ர்களுக்கு அருகாமையில் நடந்து சென்றார்கள். அப்போது இவர்கள் வேதனை செய்யப்படுகிறார்கள். ஆனால் பெரிய தவறு செய்யவில்லை ஒருவர் சிறுநீர் கழித்தால் சுத்தம் செய்யமாட்டார். இன்னொருவர் கோள் சொல்லித்திரிந்தார். (திர்மிதி, அபூ தாவூத், நஸாயீ)

இன்னொரு அறிவிப்பில்: பெரிய குற்றமல்ல ஆனாலும் பெரிய குற்றம் தான் என்று கூறினார்கள்.

✥ அனஸ் (ரலி) – நபி (ஸல்) – நீங்கள் சிறுநீரிலிருந்து உங்களை சுத்தம் செய்து கொள்ளுங்கள் அதிகமான கப்ரின் வேதனை அதிலிருந்துதான் வருகிறது.

❤ பெரும்பாவம் என்பதை எப்படி அறிந்து கொள்வது?

● எந்த பாவம் செய்தால் நரகத்தை பற்றி எச்சரிக்கப்பட்டிருக்கிறதோ அது பெரும்பாவம்.

● எந்த பாவத்தை செய்தால் அல்லாஹ்வுடைய தூதருடைய சாபம் உண்டாகும் என்று சொல்லப்பட்டிருக்கிறதோ அது பெரும்பாவமாகும்.

உதாரணம்: வட்டி சம்பந்தமாக, பெற்றோர்களை சபிப்பவர்கள், இது போன்றவர்கள் மீது அல்லாஹ்வுடைய சாபம் உண்டாகட்டும் என நபி (ஸல்) அறிவித்திருக்கிறார்கள்.

ஃபிக்ஹ்

நஜீஸ்களின் வகைகள் பாகம் – 11

لا يبولن أحدكم فى مستحمه ثم يتوضأ فيه

✦ நபி (ஸல்) – உங்களிலொருவர் உளூச்செய்யுமிடத்தில் சிறுநீர் கழிக்க வேண்டாம் அதில் அதிகமான குழப்பங்கள் உள்ளன. ( ஸஹீஹ், முஸ்லீம்)

✦ தேங்கிக்கிடக்கும் தண்ணீரில் சிறுநீர் கழிக்கவேண்டாம் என நபி (ஸல்) தடுத்தார்கள். (அஹ்மத், நஸாயீ, இப்னு)

✦ ஆயிஷா (ரலி) – யாரேனும் நபி (ஸல்) நின்றுகொண்டு சிறுநீர் கழித்தார்கள் என்று சொன்னால் நீங்கள் அதை உண்மைப்படுத்தாதீர். (திர்மிதி)

✦ ஹுதைபா (ரலி) – நபி (ஸல்) ஒரு கூட்டத்தார் தம் குப்பைகளை கொட்டும் இடத்தில் நபி (ஸல்) நின்று சிறுநீர் கழித்தார்கள். நான் கொஞ்சம் தூரமாக நின்றேன் நபி (ஸல்) கொஞ்சம் அருகில் வரச்சொன்ன போது சென்றேன் நபி (ஸல்) உளூ செய்தார்கள்.

✦ ஆகவே அவசிய தேவையிருந்தால் நின்று கொண்டு சிறுநீர் கழிக்கலாம் என மேற்கூறப்பட்ட ஹதீஸுகளிலிருந்து புரிகிறது.

ஃபிக்ஹ்

நஜீஸ்களின் வகைகள் பாகம் – 10

திறந்தவெளியில் மலஜலம் கழிக்கும் பொது கிப்லாவை முன்னோக்கியோ பின்னோக்கியோ அமரக்கூடாது. கட்டிடத்துக்குள் போவதாயின் எந்த பக்கமும் முன்னோக்கலாம்.

ஆதாரம் :

إذَا جلس أحَدُكُم عَلَى حَاجَتِهِ فَلا يَسْتَقْبِلِ الْقِبْلَةَ وَلا يَسْتَدْبِرْهَا

➥   அபூஹுரைரா (ரலி) – எவரேனும் மலஜலம் கழிக்க அமர்ந்தால் அவர் கிப்லாவை முன்னோக்கவும் வேண்டாம் பின்னோக்கவும் வேண்டாம் (ஸஹீஹ் முஸ்லீம்)

✴ இப்னு உமர் (ரலி) – நான் என்னுடைய சகோதரி ஹப்ஸா (ரலி) யின் வீட்டிற்கு சென்றபோது வீட்டின் மேலேறியபோது நபி (ஸல்) தன் தேவையை நிறைவேற்ற அமர்ந்திருந்தார்கள் ஷாம் தேசத்தை முன்னோக்கியும் கஹ்பாவை பின்னோக்கியும் அமர்ந்திருந்தார்கள் ( கட்டிடத்துக்குள் ) (புஹாரி, முஸ்லீம்)

✴ பொந்துகளில் மலஜலம் கழிப்பதை நபி (ஸல்) தடுத்தார்கள் ஏனெனில் அது ஜின்கள் குடியிருக்குமிடம் என்று கூறினார்கள் ( அஹ்மத், நஸயீ, அபூதாவூத், ஹாகிம், பைஹகீ )

✴ நபி (ஸல்) – இரண்டு சாபங்களை நீங்கள் தெரிந்து கொள்ளுங்கள். மனிதர்கள் நடக்கக்கூடிய பாதையும் அவர்கள் அமரக்கூடிய நிழல்களும். (அங்கே மலஜலம் கழிக்காதீர்கள்)

✴ குளிக்கும் இடங்களில் மலஜலம் கழிக்கக்கூடாது.

ஃபிக்ஹ்

நஜீஸ்களின் வகைகள் பாகம் – 9

✤ நாம் கழிவறைக்குள் செல்லும்போது குர்ஆன் மற்றும் ஹதீஸின் பாகங்களை கொண்டு செல்லக்கூடாது. கட்டாயமான சூழலில் உள்ளே கொண்டு செல்லலாம் என இமாம்கள் கருத்து கூறுகின்றனர்.

✤ நபி (ஸல்) – வெட்டவெளியில் தேவையை நிறைவேற்றச்சென்றால் தூரமாக செல்வார்கள் (அபூதாவூத்)

ஜாபிர் (ரலி) -நபி (ஸல்) உடன் நான் ஒரு பிரயாணத்திற்கு சென்றேன் அப்போது நபி (ஸல்) தன் வெளிதேவைகளுக்கு செல்வதாகயிருந்தால் மற்றவர்களின் கண்களிலிருந்து மறையும் அளவிற்கு தூரமாக செல்வார்கள்  (இப்னு மாஜா)

[highlight color=”pink”]கழிவறையில் செல்வதானால் :[/highlight]

بِسْمِ اللَّهِ. اللَّهُـمَّ إِنِّي أَعُـوذُ بِـكَ مِـنَ الْخُـبْثِ وَالْخَبَائِثِ

அல்லாஹுவின் பெயரால் ↔ بِسْمِ اللَّهِ

 நிச்சயமாக நான்↔ إِنِّي 

அல்லாஹுவே ↔ اللَّهُـمَّ

 உன்னிடம் நான் பாதுகாவல் தேடுகிறேன் ↔ أَعُـوذُ بِـكَ

  ஆண் ஷைத்தானிலிருந்தும் ↔ مِـنَ الْخُـبْث

 பெண் ஷைத்தானிலிருந்தும் ↔ وَالْخَبَائِثِ

✤ திறந்தவெளியில் தேவைகளை நிறைவேற்றச்சென்றால் ஆடைகளை உயர்த்தும்போது இந்த துஆ வை செய்ய வேண்டும்.
✤ மலம் ஜலம் கழிக்கும்போது அவசியத்தேவையில்லாமல் பேசக்கூடாது. அல்லாஹ்வை நினைவு கூறுவதை தவிர்க்க வேண்டும்.
✤ நபி (ஸல்) – ஒருமுறை சிறுநீர் கழித்துக்கொண்டிருக்கும்போது அந்த வழியாக சென்ற ஒருவர் ஸலாம் சொன்னபோது நபி (ஸல்) பதில் சொல்லவில்லை.

ஃபிக்ஹ்

நஜீஸ்களின் வகைகள் பாகம் – 8

சல்மான் அல் பாரிஸ் (ரலி) இடம் ஒரு யூதர் கேட்டார் உன்னுடைய நபி எல்லாவற்றையும் உங்களுக்கு கற்றுத்தந்திருக்கிறார்களா? என்று கேட்ட போது; ஆம், எங்களுடைய நபி (ஸல்) எங்களுக்கு எல்லாவற்றையும் கற்றுத்தந்திருக்கிறார்கள்;

• எங்களுக்கு மலஜலம் கழிக்கச்சென்றால் கிப்லாவை முன்னோக்கக்கூடாது
• வலது கையால் சுத்தம் செய்யக்கூடாது,
• தண்ணீர் இல்லாதபோது 3 கற்களால் சுத்தம் செய்வது,
• எலும்பை கொண்டும் மிருகங்களின் மலங்களைக்கொண்டு சுத்தம் செய்யக்கூடாது என்றும் கற்றுத்தந்தார்கள் (ஸஹீஹ் முஸ்லீம்)

ஃபிக்ஹ்

நஜீஸ்களின் வகைகள் பாகம் – 7

மது

❤ மதுபானம் அசுத்தமா?

♡ சூரா அல்மாயிதா 5:90 ↔ ஈமான் கொண்டோரே! மதுபானமும், சூதாட்டமும், கற்சிலைகளை வழிபடுதலும், அம்புகள் எறிந்து குறி கேட்பதும், ஷைத்தானின் அருவருக்கத்தக்க செயல்களிலுள்ளவையாகும்; ஆகவே நீங்கள் இவற்றைத் தவிர்த்துக் கொள்ளுங்கள் – அதனால் நீங்கள் வெற்றியடைவீர்கள்.

✻ அதை அருந்துவதும் விற்பதும் ஹராம் ஆனால் அதை தொட்டால் அசுத்தமல்ல.

✻ அசுத்தமானவைகள் சாப்பிடக்கூடிய பிராணிகளின் மாமிசங்களை உண்பதையும் அதன் பாலை அருந்துவதையும் நபி (ஸல்) தடுத்திருக்கிறார்கள். அதில் பிரயாணம் செய்வதை தடுத்திருக்கிறார்கள்.

ஃபிக்ஹ்

நஜீஸ்களின் வகைகள் பாகம் – 6

நாய்

❉ இஸ்லாம் அனுமதித்த 3 காரணங்களை தவிர வேறு நோக்கங்களுக்காக நாய் வளர்ப்பவர்கள் அமல்களில் 1 கீராத் நன்மை அவர்களது நன்மையிலிருந்து பறிக்கப்படும்.

அனுமதிக்கப்பட்ட 3 காரணங்கள்:

1. வேட்டை 
2. விவசாயம் மற்றும் கால்நடைகளை பாதுகாக்க 
3. வீட்டின் பாதுகாப்பிற்காக

لا تدخل الملائكة بيتاً فيه كلب ولا صورة

➥   நபி (ஸல்) – எந்த வீட்டில் நாயும் உருவப்படங்களும் இருக்கிறதோ அந்த வீட்டில் மலக்குமார்கள் நுழைய மாட்டார்கள்.

❉ ஒரு முறை ஜிப்ரஈல் (அலை) நபி (ஸல்) விடம் வருவதாக வாக்களித்திருந்தார்கள். ஆனால் சொல்லப்பட்ட நேரத்தில் அவர் வரவில்லை. ஏனெனில் நபி (ஸல்) வின் வீட்டில் கட்டிலின் அடியில் குட்டி நாயொன்று இருந்தது.
❉ நபி (ஸல்) – உங்களில் ஒருவருடைய பாத்திரத்தில் நாய் நக்கிவிட்டால் அதை 7 முறை கழுவுங்கள் அதில் ஒரு முறை மண் சேர்த்து கழுவுங்கள்.

ஃபிக்ஹ்

நஜீஸ்களின் வகைகள் பாகம் – 5

✥ உண்பதற்கு தடுக்கப்பட்ட பிராணிகளின் சிறுநீரும் மலமும் அசுத்தமாகும் (கழுதை, பருந்து….)

✥ அப்துல்லாஹ் இப்னு மசூத் – நபி (ஸல்) தன் தேவையை நிறைவேற்ற சென்றார்கள்.என்னிடம் 3 கற்களை கொண்டு வரச்சொன்னார்கள் ஆனால் 2 கற்கள் தான் எனக்கு கிடைத்தது ஆனால் 3 வது கல் கிடைக்காததால் 3 வதாக கழுதையின் விட்டையை கொண்டு சென்றேன். அந்த கழுதையின் விட்டையை வீசிவிட்டார்கள்.

✥ எந்த பிராணியுடைய மாமிசத்தை உண்பதற்கு அனுமதியிருக்கிறதோ அதனுடைய மலமும் ஜலமும் நஜீஸ் அல்ல.

✥ ஆதாரம் – அனஸ் (ரலி) – சில மக்கள் மதீனாவுக்கு வந்தபோது அவர்களுக்கு நோய் ஏற்பட்டுவிட்டது அவர்களுக்கு ஒட்டகத்தின் பாலையும் சிறுநீரையும் குடிக்கக்கொடுக்கச் சொன்னார்கள்.

✥ நபி (ஸல்) – அசுத்தமான பொருளில் அல்லாஹ் நிவாரணத்தை வைக்கவில்லை .

✥ நபி (ஸல்) விடம் – ஆட்டுத்தொழுவம் அல்லது மாட்டுத்தொழுவத்தில் தொழலாமா என்று கேட்டபோது தொழலாமே என்று கூறினார்கள். ஒட்டகம் கட்டப்படும் இடத்தில தொழலாமா என்று கேட்டபோது வேண்டாம் என தடுத்தார்கள்.

✥ இப்னு முன்திர் (ரஹ்) கூறினார்கள் – உண்பதற்கு அனுமதிக்கப்பட்ட பிராணிகளின் மலஜலம் அசுத்தமா இல்லையா என்பதில் இரு கருத்துக்கள் இருக்கிறது. 
ஒட்டகத்தின் சிறுநீர் பல நோய்களுக்கு மருந்தாக பயன்படுத்தப்பட்டிருக்கிறது